Ştrixkod hansı rəngdə olmalıdır?

Ştrixkod simvolunun rəng seçiminin ən optimal kombinasiyası ağ fonda qara zolaqdır. Digər rənglərdən istifadə etmək istəyirsinizsə, aşağıdakı qaydalara istifadə edin. Simvolun zolaqlarının rəngini tünd rənglərdən (məsələn, qara, tünd mavi, qəhvəyi və ya tünd yaşıl) seçmək tövsiyə olunur. Ştrixkod simvolunun açıq sahələri üçün açıq rənglərdən (məsələn, ağ rəngdən) istifadə edin. Açıq fonda əlavə olaraq "qırmızı" çalarlı rəngləri də istifadə etmək olar. Bu cür rənglərə sarı və narıncı, çəhrayı, şaftalı kimi rəngləri aiddir. Ştrixkod skanerlərin əksəriyyətinin şüasının qırmızı rəngdə olduğunu nəzərə alaraq, simvolun zolaqlarının fonu üçün qırmızı rəngdən istifadə etmək məsləhət deyil.  Ştrixkodun fonu, adətən, çap olunmur.  Əgər şrtixkodun fonu çap olunarsa, mütləq onun rəngi zolaqların rəngindən kontrastlığına görə fərqlənməlidir. Qara zolaqlar və açıq boş sahədən istifadə etməklə, Siz ən yaxşı optimal seçimi etmiş olarsınız. Əgər digər rənglərdən istifadə etmək istəyirsinizsə, o zaman GS1 Azərbaycan Cəmiyyətinin mütəxəssisləri ilə məsləhətləşin.