AzFakt

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Rusiya-İran arasında Azərbaycan üzərindən qaz anlaşması - Putin bu dəfə əmindir, amma..

Arayik Harutyunyan Azərbaycan xalqından üzr istədi - “İndi bu bəyanata görə təəssüflənirəm...“

Azəraycanda terror aktı hazırlayanlar həbs olundu - “200 min dolları müqabilində ona sui-qəsd edəcəkdilər...“

Çin qərbə qarşı məxvi planı işə saldı - “Made in China 2025”-də nələr var?

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Abşeron rayonunda sənədsiz evlərin sayı sürətlə artır - İcra hakimiyyəti ilə “anlaşıb“...

Prezidentdən dünyaya mesaj: Azərbaycan 21 ildir inamla, uğurla, ləyaqətlə inkişaf edir

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

Fransa kəşfiyyatı Ukraynada hərəkətə keçdi - ABŞ-nı əvəz edəcək


Tarix 06.03.25, 16:53	Font ölçüsü : - / +

“Fransa Ukraynanı kəşfiyyat məlumatları ilə təmin edir”.

“AzPolitika” xəbər verir ki, bunu Fransanın müdafiə naziri Sebastyan Lekornu "France Inter" radiosuna müsahibəsində bildirib.

Nazirin bu açıqlaması Donald Tramp administrasiyasının Ukrayna ilə kəşfiyyat bilgilərinin mübadiləsinə fasilə verməklə bağlı qərarından sonra gəlib.

"Amerika agentliklərinin peyk müşahidəsi ilə bağlı köməyi, edilə biləcək hər şey martın 5-i günortadan etibarən dayandırılıb. Bizim kəşfiyyatımız suverendir, özümüzə xas olan imkanlara malikdir. Bizim ukraynalılara kömək etmək üçün istifadə etdiyimiz kəşfiyyat resurslarımız var", - fransalı nazir deyib.

ABŞ-nin Ukraynaya hərbi yardımı dayandırmasının kompensasiya olunması məsələsinə toxunan Fransanın müdafiə naziri bildirib ki, ukraynalılar ehtiyat toplamağı bilirlər: "Prezident Emmanuel Makron mənə Fransanın müxtəlif yardım paketlərini sürətləndirməyi tapşırıb. Biz avropalılar yalnız bəyanat verməklə qala bilmərik, hərəkətə keçməliyik və ABŞ-nin artıq gəlməyəcək yardımlarını hissə-hissə kompensasiya etməliyik".

ABŞ Mərkəzi Kəşfiyyat İdarəsinin (MKİ) direktoru təsdiqləyib ki, Birləşmiş Ştatlar Ukraynaya hərbi yardımın dayandırılması ilə yanaşı, ölkə ilə kəşfiyyat məlumatlarının paylaşılmasını da məhdudlaşdırıb.

"Fox News"a verdiyi şərhdə MKİ-nin direktoru Con Retkliff deyib ki, həm hərbi yardım, həm də kəşfiyyat məlumatlarının paylaşılmasına dair fasilənin səbəbi prezident Trampın Ukrayna dövlət başçısı Zelenskinin sülhə sadiqliyi ilə bağlı narahatlığından qaynaqlanır. Bu narahatlıq keçən həftə “Oval kabinet”də iki lider arasında baş verən uğursuz görüşdən sonra yaranıb.

MKİ direktoru Kiyevlə kəşfiyyat mübadiləsinin hansı aspektlərinin dayandırıldığını açıqlamayıb, lakin Qərb mediası məhdudiyyətlərin əhəmiyyətli olduğunu yazıb.

Britaniyanın "The Daily Mail" qəzeti martın 4-də yazıb ki, Vaşinqton paralel olaraq Böyük Britaniyaya ona ötürülən ABŞ kəşfiyyat məlumatlarının Kiyevdəki hakimiyyət orqanlarına göndərilməsini qadağan edib.

"The Washington Post" qəzetinin ABŞ və Ukrayna rəsmilərinə istinadən verdiyi məlumata görə, bu addım ABŞ kəşfiyyat qurumlarının Kiyevə verdiyi hədəf məlumatlarının paylaşılmasının dayandırılmasını da əhatə edir. Bu məlumatlar ABŞ-nin uzunmənzilli silahlarını və Ukrayna istehsalı olan dronları müharibə zonasındakı Rusiyanın hədəflərinə, o cümlədən Rusiya ərazisindəki hədəflərə yönəltmək üçün istifadə olunurdu.

Fransanın müdafiə naziri Sebastyan Lekornu isə deyib ki, Vaşinqton kəşfiyyat məlumatlarının Kiyevlə mübadiləsini dayandırdıqdan sonra Fransa bunu öz üzərinə götürüb və kəşfiyyat məlumatlarını Kiyevlə paylaşır.

Ağ evdə Trampla mübahisəsindən sonra Zelenskini kəskin tənqid edən Trampın milli təhlükəsizlik müşaviri Mayk Uolts "Fox"a deyib ki, ABŞ-nin Ukraynaya hərbi yardımla bağlı tətbiq etdiyi fasilə aradan qaldırıla bilər: "Düşünürəm ki əgər biz bu danışıqları möhkəmləndirə bilsək, danışıqlar istiqamətində irəliləsək və etimadı artıran bəzi tədbirləri masaya qoya bilsək, o zaman prezident bu fasiləni aradan qaldırmağa ciddi şəkildə baxacaq. Biz bilməliyik ki, hər iki tərəf səmimi şəkildə əvvəlcə qismən, sonra isə daimi sülhə doğru danışıqlar aparır".

Demokrat konqresmen, Nümayəndələr Palatasının Kəşfiyyat Komitəsinin üzvü Cim Hayns bu fasiləni vicdansızlıq adlandırıb.

"Döyüşən və həlak olan ukraynalılardan həyat qurtaran kəşfiyyat məlumatlarını gizlədəcəyimiz fikri bağışlanmazdır. Kəşfiyyat məlumatlarının mübadiləsində istənilən fasilə dərhal dayandırılmalıdır", - o, açıqlamasında bildirib.

Xəbərin oxunma sayı : 538