AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

“Mənə 6000 maaş veriləcəyini dedi” - İş yoldaşını aldatdı


Tarix 22.05.25, 15:34	Font ölçüsü : - / +

İş yoldaşına qarşı dələduzluq etmiş Sumqayıt Texnologiyalar Parkının koordinatoru 1995-ci il təvəllüdlü Elmar S. barəsindəki cinayət işi üzrə məhkəmə prosesi yekunlaşıb.

“Qafqazinfo”nun əldə etdiyi məlumata görə, MMC-nin baş mütəxəssisi olan Z.M-i aldadaraq 49 500 manat almış keçmiş iş yoldaşına hökm oxunub.

Məhkəmədə bildirilib ki, Elmar STP-nin rəhbərliyi ilə qohum olduğundan Z.M ona inanıb və yuxarı vəzifəyə təyin olunmaq üçün hissə-hissə olmaqla 50 min manata yaxın pul verib.

Zərərçəkmiş şəxs ifadəsində bildirib ki, Elmar onu STP-nin tərkibində yeni yaradılacaq şöbəyə rəhbər təyin etdirəcəyinə söz verib: “2009-cu ildən STP-də çalışmağa başlamışam, Elmar isə İnzibati idarəetmə departamentində işə başlamışdı. Lakin məndən iş öyrənməsi üçün bizim otaqda əyləşirdi və aramızda münasibət yarandı. Elmar işləri öyrənəndən sonra guya mənim yerimə keçəcəyini demişdi. Onun rəhbərliklə yaxın olduğunu güman etdiyimdən sözlərinə inandım. Elmar həmçinin mənə ММС-də yeni şöbə yaranacağını və oranın rəhbəri olacağını demişdi. O, təkidlə özünün rəhbərliklə yaxın olduğunu göstərirdi.

Təxminən 2023-cü ilin oktyabr ayında axşam saatlarında Elmar mənimlə əlaqə saxlayıb vacib görüşməli olduğunu bildirdi. Onun maşınında görüşəndə mənim vəzifəyə təyin olunma məsələmi rəhbərliyə yaxın şəxslərlə müzakirə etdiyini, mənim şöbə rəisi, özünün isə müavin olacağını dedi. Mənə aylıq 6000 manat, özünə isə 5500 manat əməkhaqqı veriləcəyini bildirdi. Sabahı günü isə işin alınması üçün pul verilməli olduğunu bildirdi və hissə-hissə olmaqla məndən 49 500 manat aldı”.

Məsələ ilə bağlı cinayət işinin açılmasından sonra hər iki şəxs STP-də işdən çıxarılıb.

Məhkəmədə təqsirləndirilən şəxs Z.M-dən aldığı pulun hamısını qaytardığını bildirib. Zərərçəkmiş şəxs də artıq Elmardan şikayətçi olmadığını deyib.

Sumqayıt Şəhər Məhkəməsinin hökmü ilə Elmar S. Cinayət Məcəlləsinin 178.2.4-cü (Xeyli miqdarda zərər vurmaqla dələduzluq) maddəsi ilə təqsirli bilinib. Ona 1 il 6 ay azadlığın məhdudlaşdırılması cəzası verilib və ayağına elektron qolbaq taxılıb.

Xəbərin oxunma sayı : 160