AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Trampın andiçməsindən bir gün sonra toplantı - Müzakirə olunan məsələlər...


Tarix 22.01.25, 13:09	Font ölçüsü : - / +

"Marko Rubio dövlət katibi vəzifəsində ilk toplantısını keçirib. Yanvarın 21-də QUAD (ABŞ, Hindistan, Avstraliya və Yaponiya) təşkilatına üzv ölkələrin xarici işlər nazirlərinin Vaşinqtonda görüşü keçirilib. ABŞ Prezidenti Donald Trampın andiçmə mərasimindən bir gün sonra keçirilən görüşdə Hind və Sakit Okean bölgəsində durum müzakirə olunub".

Bu barədə musavat.com-a açıqlamasında politoloq Elxan Şahinoğlu deyib. Politoloq qeyd edib ki, nazirlər bölgədə sabitliyə, beynəlxalq hüququn üstünlüyünə, suverenlik və ərazi bütövlüyü anlayışlarını əvvəlki tək dəstəkləyəcəklərini bildiriblər:

"Bölgədə ticarətin və gəmilərin təhlükəsizliyinin vacib olduğunu vurğulayan nazirlər bu mövzuda müzakirələrin intensiv xarakter alacağını söyləyiblər.

Marko Rubio ümumi müzakirələrdən əlavə Yaponiya, Avstraliya və Hindistanın xarici işlər nazirləri ilə ayrılıqda da görüşüb. Bu ölkələrdən hər birini Çinin bölgədə artan hərbi gücü narahat edir. Marko Rubio həmkarlarının narahatlıqlarını bölüşür. Təsadüfi deyil ki, Rubio vəzifəsinə təyini məqsədilə Konqresdəki dinləmələrdə Çini Amerika Birləşmiş Ştatlarının tarixində üzləşdiyi ən təhlükəli rəqib kimi qiymətləndirib".

Politoloqun sözlərinə görə ölkəsini bir qisim beynəlxalq problemdən təcrid etməyə çalışan Donald Trampın QUAD çərçivəsində əməkdaşlığa əhəmiyyət verəcəyi proqnozlaşdırılır:

"QUAD-a üzv ölkələrə də bu regional təşkilat çərçivəsində ABŞ-la strateji tərəfdaşlığı gücləndirmək vacibdir. Əlbəttə, QUAD üzvlərinin hər birinin ABŞ-la ayrılıqda da tərəfdaşlıqları mövcuddur, ancaq regional səviyyədə ittifaq Çinin təhdidlərini neytrallaşdırmaq mahiyyəti daşıyır.

QUAD təşkilatı 2004-cü illərin əvvəllərində təsis olunub. Təşkilata üzv dövlətlərin ilkin mərhələdə əsas məqsədi o illərdə bölgədə baş verən sunaminin dağıdıcı nəticələrini ortadan qaldırmaq olub. 4 ölkənin hərbi-dəniz qüvvələrinin komandanlığı arasında koordinasiya formalaşmışdı. Bundan sonra Yaponiyanın o zamankı baş naziri Sindzo Abe Vaşinqtona çağırış edərək bölgədə sabitliyin qorunması məqsədilə 4 ölkə arasında əməkdaşlığı genişləndirməyi təklif edib. Vaşinqton bu təklifə müsbət yanaşıb. Donald Tramp birinci prezidentliyi dövründə ölkəsinin QUAM çərçivəsində fəallığını artırıb. Üzv ölkələrin xarici işlər nazirlərinin ilk görüşü 2019-cu ildə Nyu-Yorkda keçirilib. Estafeti Trampdan alan Co Bayden QUAD ölkələri liderlərinin görüşünü təşkil edib. Bu zaman ərzində QUAM ölkələrinin liderləri 2 virtual, 4 birbaşa sammit keçiriblər. QUAM ölkələri bu illər ərzində kibertəhlükəsizlik və süni intellektin yaradılması istiqamətində də tərəfdaşlığı gücləndiriblər. QUAM ölkələri liderlərinin növbəti sammiti Hindistanda keçiriləcək".

Xəbərin oxunma sayı : 1438