AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Bakıda daha bir məktəbdə qalmaqal: direktorla müəllimə üz-üzə gəlib


Tarix 04.11.25, 18:33	Font ölçüsü : - / +

Xəzər rayonu, Ramiz Qasımov adına 216 saylı tam orta məktəbdə direktor vəzifəsini icra edən Çinarə Cəbrayılova ilə ingilis dili müəllimi Sədaqət Babayeva arasında gərginlik yaşanıb.

Müəllim xəstəxanalıq olub?

İddialara görə, Çinarə Cəbrayılova Sədaqət Babayevanı rəsmi qurumlara etdiyi şikayətlərə görə otağına çağıraraq danlayıb. Söhbət zamanı tərəflər arasında mübahisə daha da gərginləşib.

Nəticədə əsəbləşən Sədaqət Babayevanın ürəyi tutub, halı pisləşib və o, huşunu itirib.

Dərhal məktəbə təcili yardım çağırılıb və qadın müəllim Mərdəkan qəsəbəsində yerləşən 26 saylı Birləşmiş Şəhər Xəstəxanasına aparılıb.

Bizim.Media hadisənin təfərrüatlarını öyrənmək üçün məktəblə əlaqə saxlayıb. Məktəbdən bildirilib ki, direktor əvəzi Çinarə Cəbrayılova hazırda təlimdədir və məsələ ilə bağlı açıqlama verilməyib.

“Məni intihar həddinə çatdırıb”

Daha sonra Bizim.Media Sədaqət Babayeva ilə əlaqə saxlayıb. Müəllimə bildirib ki, direktor əvəzi Çinarə Cəbrayılova ona qarşı davamlı təzyiqlər göstərir:

“31 ildir bu məktəbdə çalışıram. Çinarə Cəbrayılova 9 ay öncə direktor əvəzi təyin olunub. Onun özbaşınalıqları ilə bağlı dəfələrlə rəsmi qurumlara müraciət etmişəm, amma cavab ala bilməmişəm. Bir neçə ay əvvəl mediaya müsahibə verdim, bundan sonra münasibəti dəyişdi. Dəfələrlə üzümə vurur ki, “məktəbin nüfuzunu yerə vurmusan”. Halbuki mən sadəcə haqsızlıqlardan danışıram”.

Sədaqət Babayeva qeyd edib ki, ötən gün rayon təhsil şöbəsində olduğu üçün direktor onu bu gün otağına çağırıb və mübahisə edib:

“Özü də bilir ki, mən ürək xəstəsiyəm. Qızım polis şöbəsinə müraciət edib, amma oradan bildiriblər ki, “cinayət tərkibi yoxdur”. Gərək məni öldürəydi ki, cinayət tərkibi olsun? Artıq dözülməz vəziyyətdir”.

İllərin müəllimi niyə yeməkxanada dərs keçməlidir?

Müəllimənin sözlərinə görə, Çinarə Cəbrayılova məktəbdə ətrafına bir qrup toplayaraq ayrı-seçkilik yaradır və onu təzyiq altında saxlayır:

“6-7 nəfəri başına yığıb məktəbdə “at oynadır”. Əsassız yerə mənə şiddətli töhmət verib. Deyir ki, səni işdən çıxarmaq üçün bunu etdim. Dəfələrlə sinif otağı istəmişəm, vermir. Mən illərin müəllimi, niyə yeməkxanada dərs keçməliyəm? Bu il mənə 18 deyil, 15 saat dərs verdi. Yalnız öz ətrafındakı müəllimlərə şərait yaradır”

Sədaqət Babayeva əlavə edib ki, iş yerində davamlı stres altında qalır:

“Ağzı söyüşlə açılır. Deyir ki, “mənim arxamda elə adamlar dayanır ki, get kimə istəyirsən şikayət et”. Artıq çox yorulmuşam. Məktəbdəki müəllimləri də mənə qarşı yönəldib, əleyhimə ərizə yazmağa məcbur edir. Çox həmkarım mənimlə danışmaqdan çəkinir. Bundan sonra neçə olacaq, onu da bilmirəm”.

Məsələ ilə bağlı Ramiz Qasımov adına 216 saylı tam orta məktəbdən Bizim.Media-nın sorğusuna cavab olaraq bildirilib ki, məktəbin ingilis dili müəlliminin (müvafiq səbəbdən adı qeyd olunmur) davranışları ilə əlaqədar bir qrup valideyn və müəllimlər tərəfindən dəfələrlə təhsil müəssisəsinin rəhbərliyinə şikayət olunub. Nəticədə ingilis dili müəlliminə "Təhsilverənlərin etik davranış Qaydaları"nı pozduğuna, vəzifə funksiyalarını yerinə yetirmədiyinə görə sonuncu xəbərdarlıqla şiddətli töhmət verilib:

“04.11.2025-ci il tarixində məktəbin direktor əvəzi, uşaqlarla məktəbdənkənar və sinifdənxaric tərbiyə işi üzrə təşkilatçısı, məktəb Həmkarlar Komitəsinin sədri qeyd olunan ingilis dili müəllimi ilə söhbət aparıblar. Söhbət zamanı müəllim məktəbin kollektiv üzvlərinin ünvanına təhqiramiz ifadələr işlədib, müəllimlərin nüfuzuna xələl gətirəcək fikirlər səsləndirib, "Təhsilverənlərin etik davranış Qaydaları"na uyğun olmayan hərəkətlər sərgiləyib. Otaqda nalayiq hərəkətlər etməsinə baxmayaraq məktəb rəhbərliyi onun ifrat emosional vəziyyətini və halının pisləşdiyini nəzərə alaraq təcili tibbi yardım çağırıb.

Qeyd olunan müəllimin davamlı xarakter almış bu kimi hərəkətləri məktəbdaxili pedaqoji mühitin və tədris prosesinin pozulmasına səbəb olur”.

Xəbərin oxunma sayı : 238