AzFakt

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

“MTK kralı“ çətin durumda - Asiman Hüseynov qardaşını xilas edə biləcəkmi?

Azərbaycanın ən varlı şirkətləri: milyardlara sahib olanlar kimdir?

Rəsmi Bakı Blinkenin görüş təklifini qəbul etməyib - Səbəb məlum oldu

“Ermənistan Qərbi Azərbaycan İcması ilə danışıqlara başlamalıdır“ - Prezident

ABŞ OCCRP-ni maliyyələşdirib və layihə rəhbərliyini təyin edib - Araşdırma

86 milyon manatı ölkəyə qaytarmayanlar ifşa edildi - Həbs olundular

Şirvanda 13 hektar ərazi başçı tərəfindən zəbt edilib - Qazinin əli ilə

ARB-nin 5 mərtəbəli studiya binası hansı məmura məxsusdur - FOTOFAKT

Bakı və Ankaradan İrəvana ultimatum - Zəngəzurla bağlı...

Azərbaycan Haaqa Məhkəməsinə müraciət etdi - Ermənistanla bağlı

143 milyon taladılar, 38 milyon ödədilər - Mənimsədikləri pulları qaytarmırlar

“Əgər biz cəngəlliyiksə, onda işlərimizə qarışmayın “ - Prezidentdən ağır ittihamlar

Nazirlikdə şübhəli tender əməliyyatı - Büdcəyə dəyən yüz minlərlə zərər...


Tarix 29.01.25, 16:09	Font ölçüsü : - / +

Səhiyyə Nazirliyi Elmi-Tədqiqat Travmatologiya və Ortopediya İnstitutunun 2022-ci ilin dekabrında Qaz-3110 "Volqa" markalı avtomobilin təmiri üçün tender elan etdiyi və nəticələrə əsasən, növbəti ildə "Volqa" avtomobilinin əsaslı təmirinə 9 min manata xərcləndiyi, 2025-ci ildə isə həmin avtomobilin əmlak.gov portalında dəyərindən demək olar ki, 3 dəfə ucuz qiymətə - 3600 manata satışa çıxarıldığı barədə yazı dərc etmişdik.

Bakupost.az xəbər verir ki, bu günlərdə İnstitutda daha bir şübhəli tender əməliyyatının həyata keçirildiyi məlum olub. Belə ki, ötən il avqustun 19-da Azərbaycan Elmi Tədqiqat Travmatologiya və Ortopediya İnstitutu açıq tender elan edib. Elanda dərman sarğı materiallarının (endoprotezlərin) satın alınması nəzərdə tutulub.

Tenderin təklif zərfləri 17.09.2024-cü ildə açılıb. Bununla bağlı 2 saylı iclas protokolunda deyilir:

"Azərbaycan Elmi-Tədqiqat Travmatologiya və Ortopediya İnstitutu Dövlət Satınalmalarının Vahid Internet Portalında dərc etdiyi Dərman sarğı materiallarının (endoprotezlərin) satınalınması adlı 92425 nömrəli müsabiqə üzrə qiymət təkliflərinə baxılıb:

"Müsabiqədə toplam 6 iddiaçı iştirak etmişdir.

İddiaçılarım təqdim etdiyi qiymətlər aşağıdadır.

1."ARASH MEDICAL COMPANY" MMC şirkəti Dərman sarğı materiallarının (endoprotezlərin) satınalınması üzrə: 732544.00 AZN.

2. "MEDSOL" MMC şirkəti Dərman sarğı materiallarının (endoprotezlərin) satınalınması üzrə: 1210680.00 AZN,

3. "ALFAMED LTD" MMC şirkəti Dərman sarğı materiallarının (endoprotezlərin) satınalınması üzrə: 1199175.00 AZN,

4. "PRO MEDICAL" MMC şirkəti Dərman sarğı materiallarının (endoprotezlərin) satınalınması üzrə: 710537.00 AZN,

5. "VIVA MEDICAL GROUP" MMC şirkəti Dərman sarğı materiallarının (endoprotezlərin) satınalınması üzrə: 785747.25 AZN,

6. "AZƏRİ MED" QSC şirkəti Dərman sarğı materiallarının (endoprotezlərin) satınalınması üzrə: 740745.00 AZN".

Göründüyü kimi, tenderə 6 şirkət qatılıb. Onların əksəriyyəti dərman sarğı materiallarının alınması üçün 700-800 min arasında vəsait tələb edib. Ancaq buna baxmayaraq, həmin tenderin qalibi satınalınma üçün ən yüksək qiymət təklif edən iki şirkətdən biri - "ALFAMED LTD" MMC olub.

Maraqlıdır, nədən tenderdə daha əlverişli şərtlər təşkil edən şirkətlər deyil, onlardan 300-400 min daha artıq vəsait tələb edən "ALFAMED LTD" MMC-yə üstünülk verilib? Axı məntiqlə büdcə vəsaitinin səmərəli xərclənməsi üçün 710-780 min arasında vəsait tələb edən 4 şirkətdən biri qalib elan olunmalı idi.

Nədən bu baş verməyib və tender satınalma üçün ən yüksək vəsait tələb edən şirkətə verilib?

Bu suala İnstitutun təsərrüfat şöbəsinin keçmiş müdiri Şamil Şahbazov (artıq məhkəmənin qərarı ilə işinə bərpa olunub - red.) bu yaxınlarda Nəsimi Rayon Məhkəməsində keçirilən prosesdə aydınlıq gətirib. O, məhkəmədə Səhiyyə Nazirliyi Elmi-Tədqiqat Travmatologiya və Ortopediya İnstitutunun direktoru Rüstəm Talışinski və hazırda adı saxta sertifikasiya məsələsində hallanan Səhiyyə nazirinin müavini İlqar Qasımovun ünvanına ciddi ittihamlar səsləndirib. Ş.Şahbazov qeyd edib ki, İnstitunun direktoru Rüstəm Talışinski olsa da, faktiki olaraq, bu səhiyyə müəssisəsi İlqar Qasımov tərəfindən idarə olunur.

Tender məsələsinə də toxunan təsərrüfat şöbəsinin müdiri onun formal xarakter daşıdığını bildirib. Belə ki, onun məhkəmədə dediyinə görə, hələ tenderdən 9 ay əvvəl artıq İnstitutla "ALFAMED LTD" MMC arasında dərman sarğı materiallarının (endoprotezlərin) satınalınması üzrə razılaşma əldə olunub və lazım olan mallar alınıb. Ş.Şahbazovun iddiasına görə, mallar alınandan 9 ay sonra tender gözdən pərdə asmaq üçün keçirilib.

Ş.Şahbazov dediklərini əsaslandırmaq üçün məhkəmədə daha bir arqumet səsləndirib. Onun dediyinə görə, Səhiyyə nazirinin müavini İlqar Qasımov 21 yaşlı bibisi nəvəsi Yusif Quliyevi Elmi Tədqiqat Travmatalogiya İnsitutunun satinalma şöbəsinin müdiri təyin etdirib və bütün qanunsuz əməliyyatları da onun vasitəsilə həyata keçirir.

Qeyd edək ki, haqqında bəhs etdiyimiz açıq tenderlə bağlı sənədlərdə də Yusif Quliyevin adı "Malgöndərənlərlə (podratçılarla) vasitəçi olmadan əlaqəni təmin edən, onlarla məlumat mübadiləsini aparan satınalan təşkilatın vəzifəli şəxsi, Satınalma üzrə mütəxəssis" kimi keçir.

Beləliklə, məhkəmədə səsləndirilən iddialardan aydın olur ki, 1,2 milyonluq dərman sarğı materiallarının (endoprotezlərin) satın alınması üçün nstitutla "ALFAMED LTD" MMC arasında sövdələşməni İlqar Qasimov aparıb və bu əməliyyat zamanı külli miqdarda vəsait mənimsənilib.

Məsələ ilə bağlı yazıda adı çəkilən tərəflərin mövqeyini işıqlandırmağa hazırıq.

Xəbərin oxunma sayı : 523