AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

“Ərim məni kişilərlə hotelə getməyə məcbur etdi” - MƏHKƏMƏ


Tarix 21.05.25, 22:53	Font ölçüsü : - / +

Bakının Suraxanı rayonunda 1983-cü il təvəllüdlü Qəbələ rayon sakini Tahir ailə münaqişəsi zəminində həyat yoldaşı Sonaya (adlar şərti verilib – red.) işgəncə verib.

AzFakt.com xəbər verir ki, teleqraf-ın əldə etdiyi xəbərə görə, Tahir 3 iyul 2024-cü ildə yaşadıqları evdə arvadı Sona ilə mübahisə edib, əsassız bəhanələrlə onu əxlaqsız adlandırıb. Müxtəlif dərəcəli xəsarətlər yetirməklə qadına əzab verib.

O, iyulun 4-də və 9-da arvadını yenə də əxlaqsız adlandırıb, başqa kişilərlə intim müasibətlərdə olduğunu və guya hotelə getdiyini söyləyib, Sonaya müxtəlif dərəcəli xəsarətlər yetirib. Növbəti gündə də hərəkətlərinə davam edib.

“Başqası ilə danışmasından şübhələnirdim, sübut edə bilmirdim”

İstintaq orqanı tərəfindən Tahirin barəsində Cinayət Məcəlləsinin 133.2.6-cı (əzab vermə - işgəncə verməklə törədildikdə) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Tahir ittiham üzrə özünü təqsirli bilməyib. İfadəsində göstərib ki, Suraxanı rayonu, Yeni Günəşli qəsəbəsində ailəsi ilə birlikdə yaşayır: “Mən şirkətdə ekspeditor-sürücü işləyirəm. Sona ilə 2007-ci ildən evliyik. Bu vaxta kimi aramızda söz-söhbət olub, ancaq bu cür konflikt yaşamamışıq. Əvvəllər arvadımı döyməmişəm.

Xeyli müddətdir Sonanın başqa birisi ilə danışmasından şübhələnirdim, amma sübut edə bilmirdim. İyun ayının sonlarında onun telefonuna baxanda “İnstagram” sosial şəbəkəsi vasitəsilə ona Ruslan adlı şəxsdən mesaj gəldiyini gördüm. Bu barədə soruşanda həmin şəxsi tanımadığını, onunla danışmadığını bildirdi. Bu sözlərə inanmadım, öz “İnstagram” hesabımdan yazaraq mobil nömrəmi ona verdim.

Hadisədən təxminən on gün sonra həmin adam Rusiya nömrəsi vasitəsilə mənimlə əlaqə saxladı, Sona ilə danışdığını, yazışmaların olduğunu bildirdi. Hətta yazışmaların fotoşəkilini də göndərdi. Mən çox əsəbləşdim”.

“Boynuna aldı, üzr istədi”

Təqsirləndirilən şəxs qeyd edib ki, iyulun 3-də əsəbi halda evə gəlib, Sonadan anası Sənəmin yanında bu barədə soruşub: “Sona əvvəlcə hər şeyi dandı, sonrad başqa kişiylə danışdığını dedi və üzr istədi.

Mən də əsəbləşdiyimdən özümü saxlaya bilmədim, əlimlə onun üz nahiyəsinə xəsarət yetirdim. Anası Sənəm məni ayırmaq üçün aramıza girdi. Sona mənim telefonumu götürdü və yerə ataraq sındırdı. Bu hadisədən sonra özümü toparlaya bilmədim və gecə evə gəlmədim”.

Tahir bildirib ki, növbəti gün evə gəldikdə anası və Sonanın onu gözlədiyini görüb: “Hələ də əsəbiydim, Sonanın qollarını tutub sıxaraq silkələdim. Mənə qarşı niyə belə hərəkət etdiyini soruşdum. Paltarlarını dolabdan çıxararaq yerə atdım və evdən getməsini tələb etdim.

Sonanın gözünün altı yetirdiyim xəsarətdən göyərmişdi. Qardaşı Vüqar onu ürək həkiminə aparmaq üçün gələndə bacısının gözünün altını gördü. Sona hamamda yıxılaraq xəsarət aldığını bildirdi.

Sona həkimə gedib gəldikdən sonra anam onu vedrə və evdə olan laminatla döyməyə başladı. Mən evdən çıxdım və geriyə gecə qayıtdım”.

“Əxlaqsız olması barədə ərizə yazdırdım”

Tahirin ifadəsinə görə, iyulun 10-da Sonadan hər şeyi etiraf etməsini, səmimi olmasını tələb edib, bu halda onu bağışlayacağını deyib: “Lakin Sona yenə yalanlar danışdı, Ruslana üzünün şəkilini göndərmədiyini dedi. Halbuki Ruslan mənə Sonanın üzünün şəklini göndərmişdi. Biz yenidən dalaşmağa başladıq.

Sonadan evdən çıxmağı tələb elədim, o, növbəti gün gedəcəyini dedi. Sonaya əxlaqsız olduğunu, uşaqların onunla yaşamasına imkan verməyəcimi bildirdim. Ona uşaqlardan imtina etməsi, özünün əxlaqsız olması barədə ərizə yazdırdım”.

Tahir deyib ki, növbəti gün səhər oyandıqda həm Sonanın, həm onun əşyalarının, həm də özünün mobil telefonunun evdə olmadığını görüb: “Telefonumda Sonanın yazışmaları və şəkilləri olduğu üçün onu da özü ilə aparmışdı.

Mən Sonanı iyulun 3-də vurmuşam. İyulun 4-də qollarından tutub sıxaraq silkələmişəm, saçını dartaraq yolmuşam. Qalan xəsarətləri isə Sonaya anam yetirib. İyulun 3-də emosiyalarıma hakim ola bilməmişəm, onu döymüşəm. Buna görə özümü günahkar bilirəm”.

“Borcu olduğuna görə daim dalaşırdı”

İş üzrə zərərçəkmiş qismində ifadə verən Sonanın sözlərinə görə, 2007-ci ildə Tahirlə rəsmi nikaha daxil olub, 10 və 16 yaşlarında Amal və Zəfər adında iki övladları var: “Tahirlə təzə ailə qurduğum zamandan daim kiməsə borcu olurdu. Hətta mənim qızıllarımı sataraq borclarını da bağlamışdı.

Həmişə borcları olduğu üçün əsəbi olur, içki içir, daim mənimlə dalaşırdı. Hətta məni döyüb, təhqir etdiyi vaxtlarda olurdu. 2022-ci ildən başlayaraq məni daha çox döyməyə, təhqir etməyə başladı. Evdən çölə çıxdığıma görə də məni dəfələrlə döymüşdü. Bu barədə valideynlərimə heç nə deməmişəm. Tahir məni həmişə əxlaqsız qadın kimi görür, məni bu cür adlandırırdı.

Hər dəfə əxlaqsız olduğumu iddia edir, bunu mənim ailəmə sübut edəcəyini, qardaşımın məni öldürəcəyini söyləyirdi. Mən mübahisədən sonra bir müddət evdən ayrıldım və atamgildə yaşadım. Sonradan bizi barışdırdılar.

Barışdıqdan sonra Tahir məndən çılpaq vəziyyətdə şəkil çəkib ona göndərməyimi istədi. Göndərmədikdə mənimlə mübahisə yaradıb dalaşdı. Daha sonra biz yataqda cinsi münasibətdə olan zaman video çəkməyə başladı.

Mənim video çəkilməsinə etiraz etsəm də, Tahir məni razılaşmağa məcbur etdi. Onun video çəkməsinə mane ola bilmədim”.

“Məni kişilərlə hotelə getməyə məcbur etdi”

Sonanın ifadəsinə görə, əri onu əxlaqsız adlandırdığı üçün kişilərlə hotelə getməyə məcbur edib: “Hətta mənə video çəkməyimi, həmin videoda əxlaqsız olduğumu, pul müqabilində görüşdüyümü bildirməyimi istəyirdi.

Beləliklə Tahirlə aramızda daim mübahisələr baş verdirdi. O məni səbəbsiz yerə döyür, mənə işgəncələr verirdi”.

Sona qeyd edib ki, iyulun 3-də Tahir yenə müxtəlif bəhanələr gətirib, onu əxlaqsız adlandırıb və döyərək ona xəsarət yetirib: “Əlləri-ayaqları ilə bədənimin müxtəlif nahiyələrinə xəsarətlər yetirdi. Sifət nahiyəmə yumruq və kəllə zərbəsi vurdu. Yerə yıxıldıqda məni təpiklədi.

Həmin xəsarətlərin ağrısı şiddətli olduğu üçün iyulun 6-da məni Günəşli qəsəbəsində yerləşən Şamil adında olan sınıqçıya yönləndirdi. Sınıqçı xəsarətlərimi görüb məni “Avromed” klinikasına yönləndirdi. Orada rentgen müayinəsindən keçdim və rentgenin cavablarını götürüb sınıqçının yanına getdim. Sınıqçı xəsarətlərimə sarğı qoydu. Mən evə qayıtdıqda Tahir mənimlə barışdı”.

“Mən əxlaqsızam, pul müqabilində görüşürəm”

Sona ifadəsində göstərib ki, iyulun 9-da Tahir onun bank kartını istəyib: “Kartı ona verdim. Tahir bank kartımdan 1500 manat pul çıxardı və pulun 400 manatını mənə qaytardı. Dedi ki, pulu hotelə getdiyim oğlanlara xərcləyərsən. Daha sonra özü-özünə əsəbləşərək məni döydü. Növbəti gün, yəni iyulun 10-da evə içkili halda gəldi, yenidən məni şiddətli şəkildə döydü.

Döydükdən sonra məcburi qaydada “mən əxlaqsızam, pul müqabilində görüşürəm” kimi sözlər dedizdirdi, səsimi yazdı. Həmçinin əxlaqsız olduğum üçün övladlarımdan imtina etməyim haqda ərizə yazdırdı, məcbur imza etdirdi. Gecə saat iki radələrində məni ayaqyalın evdən çölə çıxartdı və evdən qovduğunu dedi”.

Bu cinayət işinə Suraxanı Rayon Məhkəməsində baxılıb. Məhkəmənin hökmü ilə Tahir 2 il müddətinə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.

Xəbərin oxunma sayı : 742