AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Xəlilovlardan Azərbaycana qarşı açıq mövqe: Putinə mesaj verən, Azərbaycan diş qıcıyan iş “adam“ları


Tarix 31.07.25, 23:25	Font ölçüsü : - / +

Azərbaycanla Rusiya arasında münasibətlərin soyuqlaşdığı bir vaxtda bir çox qüvvələr neytral mövqe sərgiləsələr də, vətənpərvər şəxslər Kremlin anti-Azərbaycan siyasətinə qarşı yüksək səslə etirazlarını bildirməkdən çəkinmədilər.

Son 1 il ərzində rəsmi Moskvanın Azərbaycana qarşı siyasəti isə birbaşa hücum xəttinə köklənmiş şəkildədir. AZAL təyyarəsinin qəsdən vurulması, təyyarəmizi vuran şəxsin mükafatlandırılması, Yekaterinburqda azərbaycanlılara qarşı təzyiq siyasətinin yürüdülməsi, öldürülməsi və həbs edilməsi Kremlin artan qıcığının üzə çıxma şəkli, Azərbaycanı təhdid formasıdır.

Baş verən proseslər isə Azərbaycana qarşı içində nifrət bəsləyən şəxslərin özlərini ifşa etmələrinə şərait yaratdı. Paylaşımlarəmdan görünür ki, onlardan biri də Xəlilovlar ailəsidir.

Söhbət məşhur iş adamı İsgəndər Xəlilovun oğlu Rəhman Xəlilovdan gedir.

Bir zamanlar Ümummilli lider Heydər Əliyevin “ölkənin arxa qapıdan qaçanlar” sırasında gördüyü İsgəndər Xəlilova daha sonra prezident İlham Əliyevin rəhbərliyi dönəmində ölkədə fəaliyyət göstərməsinə, geniş biznes şəbəkəsi qurmasına şərait yaradıldı. Bu minvalla Xəlilov Rusiya və Azərbaycanda adını milyonerlər sırasına yazdırdı. Lakin bu gün Xəlilovların açıq şəkildə anti-Azərbaycan mövqeyi tutduğu görünür.

Belə ki, Rəhman Xəlilov sosial media hesabında Rusiya Prezidenti Vladimir Putindən sitat paylaşıb. Təhdidkar xarakterli sitatda deyilir:

“Hamı bizi haradasa dişləmək və ya bizdən nəsə qoparmaq istəyir. Amma bunu etmək istəyənlər bilməlidirlər ki, biz onların hamısının dişlərini qıracağıq — elə ki, onlar dişləyə bilməsinlər”.

Artıq yuxarıda qeyd olunduğu kimi, Rusiya ilə münasibətlırin kəskinləşdiyi dönəmdə belə bir paylaşım kimə verilən mesajdır?

Bu gün bütün dünyada təcavüzkar kimi tanınan Rusiya Ukrayna ilə savaş bataqlığında ikən düşməncə münasibət bəslədiyi ikinci ölkə kimi Azərbaycan yada düşür. Belə aydın olur ki, son dönəmdə azərbaycanlıların Yekaterinburqda öldürülməsindən, diaspor nümayəndələrinə qarşı təzyiq siyasətinin həbslə nəticələnməsindən sonra Xəlilov bu paylaşımı ilə, şübhəsiz, Azərbaycana qarşı cəbhə açmaqla, Kremlin təsir dairəsində olduğunu göstərmiş oldu.

Onu da qeyd edək ki, bir müddət əvvəl Rusiyada Xəlilovların biznesi ilə bağlı araşdırma başladığı yönündə xəbərlər yayılmış, Rəhman Xəlilov isə bunu təkzib etmişdi. Bu xəbərlərdən sonra onun belə bir paylaşım etməsi Rusiyaya – birbaşa Valdimir Putinə “sizin yanınızdayıq” demək deyil, bəs nədir?

Görünən odur ki, qəlbində ölkəsinə qarşı heç bir milli duyğu bəsləməyən Xəlilovlar onlara ölkədə yaradılan azad biznes mühitini heçə sayaraq birbaşa Rusiyanın – təcavüzkar Rusiyanın yanında olduğunu elan edirlər.

Bu məqamda “Babək” filmindəki məşhur replika yada düşür: “Bir gün azad yaşamaq, min il boyunduruq altında yaşamaqdan daha yaxşıdır!” Xəlilovlar isə Rusiyaya yaltaqlanmağa davam edəcəkləri təqdirdə, azad yaşamağın nə olduğunu bilməyəcəklər. (YeniÇağ.az)

Xəbərin oxunma sayı : 1489