AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Mehdiyev daha bir villasını satır - Sərvətini pula çevirib ölkədən çıxarır? + FOTO


Tarix 08.09.25, 17:42	Font ölçüsü : - / +

Prezident Administrasiyasının sabiq rəhbəri Ramiz Mehdiyev daha bir villasını satışa çıxarıb.

AzFakt.com “Gününsəsi.info”ya istinadla xəbər verir ki, Şüvəlan bağları, Gülçülük sovxozu adlanan elit ərazidə inşa edilmiş, 1000 kvadratmetr sahəsi olan villa 1 milyon 300 min manata satışa çıxarılıb.

Qeyd olunur ki, həmin villa 2018-ci ilə qədər Xəzər Rayon İcra Hakimiyyətinin başçısı vəzifəsində çalışmış Gülağa İslamov tərəfindən Ramiz Mehdiyevə hədiyyə edilib.

Məlumatda bildirilir ki, bahalı villa Mehdiyevin kürəkəni İlham Əliyevin adına sənədləşdirilib.

Daha əvvəl yerli media Bakının Tbilisi prospektində R. Mehdiyevə məxsus dəbdəbəli villanın 8 milyon ABŞ dollarına satışa çıxarılması barədə xəbər yayıb. 36 sot ərazidə yerləşən bu villanın da Mehdiyevin Prezident Administrasiyasının rəhbəri olduğu dövrdə himayə etdiyi yüksək vəzifəli şəxslərdən biri tərəfindən hədiyyə olunduğu bildirilir.

R. Mehdiyev Göyçayda keçmiş nəqliyyat naziri Ziya Məmmədov tərəfindən hədiyyə olunmuş mülkünü isə 2022-ci ildə satışa çıxarmışdı. Rayonun Hüngütlü kəndində, uca hasarlarla əhatə olunmuş villa 1.8 milyon manata təklif olunmuşdu.

Qeyd edək ki, Ramiz Mehdiyev Prezident Administrasiyasının rəhbəri olduğu (1995–2019) 24 il ərzində külli miqdarda var-dövlət əldə edib. Ona yaxın şəxslər iqtisadiyyatın bəzi sahələrində böyük paya malik olub. PA rəhbəri büdcə vəsaitlərini, bank kreditlərini, xarici maliyyə qurumlarından alınan qrantları gəlirli biznesə yönəltməyin bütün üsullarından istifadə edib. Bununla yanaşı, himayə etdiyi vəzifəlilərdən və biznes adamlarından dəyəri milyonlarla dollarla ölçülən hədiyyələr almağı hobbiyə çevirib. Mehdiyevin “zəif damarını” bilən məmurlar və iş adamları onu mütəmadi olaraq belə hədiyyələrlə sevindirməyə çalışıblar.

O, hazırda Novxanıda yerləşən dəbdəbəli bağ evində yaşayır. Bu əmlakın tikintisinə R. Mehdiyevin cibindən pul xərcləməsi inandırıcı görünmür.

87 yaşlı eks-məmur vəzifədən uzaqlaşdırılsa da, bəzi sələflərindən fərqli olaraq, əldə etdiyi nəhəng sərvəti qoruyub saxlamağı bacarıb. Görünür, əmlakların bir-bir satışa çıxarılması Mehdiyevlər ailəsinin yeni planları ilə bağlıdır. Keçmiş PA rəhbərinin kölgəsi olmadan Azərbaycanda yeni layihələrə investisiya edəcəkləri ağlabatan görünmür. Ehtimal etmək olar ki, vəsaitlər xarici ölkələrə, məsələn, Rusiya iqtisadiyyatına yönəldilə bilər.

Xəbərin oxunma sayı : 1516