AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

“AYNA əvvəlcə öz “ayna”sına baxsın” - Deputatdan sərt sözlər


Tarix 30.08.25, 10:24	Font ölçüsü : - / +

“Bu qurumun fəaliyyəti ilə bağlı hansısa razılıq ifadə etmək mümkün deyil. Çünki hamımız tıxacda qalırıq. Mənə elə gəlir ki, AYNA əvvəlcə öz “ayna” sına baxmalıdır və real vəziyyəti görməlidir. Bakı şəhərində hərəkət etmək mümkün deyil. Alternativlər haqqında düşünülməlidir”.

Bunu Demokrat.az-a deputat Fazil Mustafa deyib. O bildirib ki, AYNA bütün məsələləri vətəndaşların üzərinə yükləyib, vətəndaşı çətin vəziyyətdə qoymaq anlayışından uzaq durmalıdır: “Cərimələri bu qədər artırırlar, nə olsun? Bu vəsait vətəndaşların cibindən çıxır. Prezident bunlara inanaraq, səlahiyyət verərək hansısa problemin həllini tapşırıbsa, bu işə daha məsuliyyətli yanaşmalıdırlar, vətəndaş məmnunluğunu təmin etməlidirlər.

Dini təhsilə vəsaiti daha çox artırmalıyıq - Fazil Mustafa | Modern.az

Bu məsələ çox ciddi və ictimai narazılıq yaradan məsələdir. Ən böyük məsuliyyət bu qurumun üzərinə düşür, bu qurum da öz məsuliyyətini başa düşərək problemin həlli üçün konkret addımlar atmalıdır".

Ümumiyyətlə, son illərdə Azərbaycan Yerüstü Nəqliyyat Agentliyindən və onun “Azparkinq” xidmətindən çoxlu şikayətlər var: paytaxtda parklanma problemi həllini tapmayıb, avtobus zolaqları bəzi yerlərdə avtomobillərin dönməsinə çətinlik yaradır, cərimə yazmaqdan başqa bir iş görülmür. Faktiki şəhərin nəqliyyat sahəsində xaos davam edir.

Bəs ictimai nəqliyyatda xaosun aradan qaldırılması üçün hansı alternativ addımlar atılmalıdır? Artırılan cərimələr nəqliyyatda nizam-intizamı təmin edə bilərmi, yoxsa sadəcə vətəndaşların cibinə əlavə yükdür? “Azparkinq” xidmətinin fəaliyyəti niyə bu qədər çox şikayət doğurur - parklanma yerlərinin azlığından, yoxsa idarəetmənin səmərəsizliyindən? Avtobus zolaqlarının tətbiqi Bakı üçün doğrudurmu, yoxsa şəhərin küçə infrastrukturuna uyğun gəlmir?

Pandemiya dövründə avtomobil sektoru (Eldəniz Cəfərov) - ARB24 (Gündəm)

Mövzu ilə bağlı nəqliyyat eksperti Eldəniz Cəfərov “Yeni Müsavat”a danışıb. Ekspert qeyd edib ki, tıxacların həm obyektiv, həm də subyektiv səbəbləri var: “Son illər paytaxtın iqtisadiyyatının artması, əhalinin çoxalması, şəhərin turizm mərkəzinə çevrilməsi, mədəni həyatın zənginləşməsi və beynəlxalq tədbirlərin çoxalması nəticəsində sıxlığın olması normaldır. Sadəcə, çalışmaq lazımdır ki, bu sıxlıqlar tıxaca çevrilməsin.

Mərhələli şəkildə bu sıxlıqların aradan qaldırılması mümkündür. Bunun üçün də xüsusi dövlət proqramı hazırlanıb. Orada tədbirlər planı təsbit olunub, hər bir qurumun qarşısında konkret vəzifə qoyulub. 2025-2030-cu illər ərzində həyata keçiriləcək işlər elə effektiv olmalıdır ki, tıxacların sayı azalsın.

Hazırda yeni tunellərin, körpülərin, yolötürücülərin tikilməsi, tunel və depoların inşası məhz bu məqsədə xidmət edir. Artıq Bakı və ətraf ərazilərdə tramvay xətlərinin çəkilməsi də dövlət proqramında nəzərdə tutulub. Yəni bu istiqamətdə işlər görülür. Təbii ki, çətinliklər olacaq - haradasa yol bağlanacaq, haradasa açılacaq. Tikinti-təmir işləri aparılanda yolları bağlamadan bunu etmək mümkün deyil".

Ekspert artırılan cərimələrlə bağlı deyib ki, bütün dünyada qayda pozuntuları cərimə ilə tənbeh olunur: “Əgər hansısa qayda pozuntusu davam edirsə və insanlar qaydalara məhəl qoymursa, cərimələrin artırılması qaçılmaz olur.

İctimai nəqliyyata gəldikdə, hazırda ictimai nəqliyyat yenidən dirçəldilir. Taksi isə sadəcə köməkçi vasitədir. Hazırda ölkəyə yeni avtobuslar gətirilir. Hətta bu ildən etibarən Çinin məşhur BYD şirkətinin avtobusları artıq Azərbaycanda istehsal olunacaq. Mən deməzdim ki, vəziyyət acınacaqlıdır. Hər şeyi birdən-birə həll etmək mümkün deyil. Amma bu, o demək deyil ki, cəmiyyət susmalıdır. Əksinə, vətəndaş da, media da çatışmazlıqlardan danışmalıdır.

“Azparking” xidmətinə gəldikdə isə, fəaliyyətə yeni başlayanda mobil tətbiqlə, SMS sistemi ilə, yerlərin azlığı ilə bağlı problemlər çox idi. Lakin mərhələli şəkildə bu problemlərin çoxu həll olundu. İndi də müəyyən çatışmazlıqlar varsa, onlar da həll edilə bilər. Amma nəzərə almaq lazımdır ki, Bakıda avtomobil yolunun kənarında parklanma yeri yaratmaq çox çətindir. Çünki vaxtilə şəhərsalma zamanı səhvlərə yol verilib - avtomobil yolları zəbt olunub, obyektlər səkilərdə tikilib, tikinti standartlarına əməl olunmayıb. Halbuki hər bir yaşayış və qeyri-yaşayış obyektinin özünün parklanma yeri olmalı idi. İndi isə bu məsələ həll edilmədiyi üçün vətəndaşlarla müvafiq qurumlar arasında problemlər yaranır. Məncə, ilk növbədə obyekt sahiblərinin qarşısında məsələ qaldırılmalıdır ki, şəhər ərazisində obyekt tikirsənsə, mütləq parklanma yeri də təmin etməlisən".

Eldəniz Cəfərov həmçinin bildirib ki, avtobus zolaqlarının tətbiqinin əsas məqsədi isə ictimai nəqliyyatdan istifadə edən vətəndaşların vaxtında ünvana çatmasıdır:

“Bu zolaqlar olmasaydı, vəziyyət daha pis ola bilərdi. Əvvəlcə müəyyən nöqsanlar var idi - məsələn, bəzi yerlərdə avtobus zolağına daxil olmaq üçün qırıq xətlər qoyulmamışdı, yaxud taksilər üçün dayanma yerləri ayrılmamışdı. Sonradan bunlar düzəldildi. Biz də ekspertlər olaraq müvafiq qurumlarla görüşlərdə fikirlərimizi bildirdik. Nəticədə taksilər üçün ayrıca minib-düşmə məntəqələri yaradıldı”.

Xəbərin oxunma sayı : 247