AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Müharibədən xatirə kimi gətirdiyi bıçaqla adam öldürdü - Namus cinayətinin TƏFƏRRÜATI


Tarix 05.05.25, 20:49	Font ölçüsü : - / +

Qətl törətməkdə təqsirləndirilən qazi hakim qarşısına çıxarılıb. O, həbsdə olan bibisi oğlunun arvadına zəng edən şəxsi öldürüb. Hadisə zamanı istifadə etdiyi bıçağı isə müharibədən xatirə kimi gətiribmiş.

Musavat.com xəbər verir ki, Bakı Ağır Cinayətlər Məhkəməsində 25 yaşlı Ələkbər Səmədlinin cinayət işi üzrə məhkəmə araşdırması baş tutub.

Qəsdən adam öldürməkdə və qanunsuz olaraq silah saxlamaqda ittiham edilən Ə.Səmədli 10 il 6 ay müddətə azadlıqdan məhrum edilib.

Ələkbər Səmədli Qaradağ rayonunda Rüfət Rüstəmovu qətlə yetirib. Onlar uşaqlıq dostu olublar və bir məhəllədə böyüyüblər.

Təqsirləndirilən Səmədlinin bibisi oğlu narkotik ittihamı ilə həbs edilib. Səmədli bibisi oğlunun xanımının namusunu qorumağı özünə borc bilib. Buna görə də Rüfətin bibisi oğlunun arvadına mesaj yazmasını bilən kimi onunla görüşə gedib.

Səmədli bibisi oğlunun arvadının nömrəsinə zəng gələn zaman telefonu özü açıbmış. O, telefondakı səsdən Rüfəti tanıyıb. Rüfətin işlədiyi sexə gələn Səmədli orada onunla mübahisə edib. Ətrafda olanlar onları sakitləşdirib və aralaşdırıb. Bir neçə dəqiqə sonra onlar aralarındakı söhbəti sonlandırmaq üçün yenidən görüşüblər. Səmədli evdən bıçaq götürərək maşınla Rüfətin yanına gəlib. Onlar maşına əyləşərək qəsəbədən uzaqlaşıblar.

Mübahisə zamanı Səmədli bıçaqla Rüfətə bir neçə zərbə vurub. Səmədli iddia edib ki, Rüfətin də bıçağı olub.

Ələkbər Səmədli Vətən müharibəsində iştirakına görə “Vətən müharibəsi iştirakçısı” və “Suqovuşanın azad olunmasına görə” medalları ilə təltif olunub. Onun ifadəsindən məlum olub ki, Rüfəti vurduğu bıçağı müharibədə əldə edib gətiribmiş. O, bıçağı xatirə olaraq saxladığını deyib.

Hadisə zamanı Səmədli Rüfəti vurandan sonra hadisə yerindən qaçıb. Sonra peşman olaraq geri qayıdıb. Rüfəti xəstəxanaya çatdıranda sağ olub. Həkimlərin müdaxiləsinə baxmayaraq, Rüfətin həyatını xilas etmək mümkün olmayıb.

Məhkəmədə Səmədlinin bibisi oğlunun xanımı da dindirilib. Onun sözlərinə görə, mərhum Rüfət son bir neçə ayda onu narahat edib, zəng edirmiş.

Mərhumun hüquqi varisi, valideyni isə bildirib ki, Rüfətin qətli ilə bağlı səsləndirilən iddia əsassızdır. Onun sözlərinə görə, Səmədli Rüfəti tək qətlə yetirməyib.

Xəbərin oxunma sayı : 1153