AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Anar Tağıyevin sevimli şirkəti: İcra başçısı hər il “Təmir-İnşaat“a yol təmir etdirir


Tarix 15.10.25, 20:13	Font ölçüsü : - / +

Yevlax Şəhər İcra Hakimiyyəti Yevlax şəhərində yolların əsaslı təmiri ilə bağlı tenderə yekun vurub.

AzFakt.com "Qaynarinfo"ya istinadən xəbər verir ki, tenderin qalibi "Təmir-İnşaat" MMC seçilib. Tərəflər arasında bağlanacaq satınalma müqaviləsinin maliyyə dəyəri 648 736,45 manatdır.

"Təmir-İnşaat" MMC Yevlax Şəhər İcra Hakimiyyətinin bundan əvvəl də keçirdiyi iki tenderin qalibi olub. Həmin tenderlər Yevlax şəhəri 20 Yanvar, Sidqi Ruhulla, Xudu Məmmədov (Nizami prospektindən Arif Sadıqov küçəsinə kimi), 28 may (Xudu Məmmədov küçəsindən-Nizami prospektinə kimi) küçələrində və Yevlax şəhərində Nizami Gəncəvi prospektində (Heydər Əliyev prospektindən Füzuli küçəsinə kimi) və Sahib Əliyev küçəsində (Heydər Əliyev prospektindən Füzuli küçəsinə kimi) yolların əsaslı təmiri ilə bağlı keçirilib. Bu tenderlər üzrə satınalma müqavilələrinin maliyyə dəyəri müvafiq olaraq 269 428,98 manat və 108 757,93 manat təşkil edir.

Beləliklə, aydın olur ki, "Təmir-İnşaat" MMC cari ildə yolların əsaslı təmiri ilə bağlı Yevlax Şəhər İcra Hakimiyyətindən ümumilikdə 1 026 923,36 manatlıq sifariş alıb.

İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, "Təmir-İnşaat" MMC 15 dekbar 2008-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Yevlax şəhəri, İ. Dəmirov küçəsi, ev 84-də yerləşir. MMC-nin qanuni təmsilçisi Hacıyev Elnur İsa oğludur. Açıq mənbələrdə şirkət və qanuni təmsilçisi haqqında heç bir məlumata rast gəlinmir.

Dövlət satınalmalarının vahid intertnet portalı üzərindən apardığımız araşdırma zamanı məlum olub ki, Yevlax Şəhər İcra Hakimiyyətinin 2020-ci ildən bu yana yol təmiri ilə bağlı keçirdiyi tenderlərin qalibi məhz "Təmir-İnşaat" MMC olub. Bununla da icra hakimiyyətindən 2 285 405,70 manatlıq sifariş alıb.

Yevlax Şəhər İcra Hakimiyyətinin yol təmirini məhz "Təmir-İnşaat" MMC-yə sifariş etdiyi şirkətlə qurumun rəhbərliyi arasında hansısa işbirliyinin olmasına şübhələri artırır. Azərbaycanda yol təmiri üzrə ixtisaslaşmış şirkətlər kifayət qədərdir. Buna baxmayaraq, Yevlax Şəhər İcra Hakimiyyətinin seçimi məhz "Təmir-İnşaat" MMC olur.

Bir məqamı da qeyd etmək yerinə düşər. "Təmir-İnşaat" MMC Anar Tağıyevin Yevlaxa icra başçısı təyin olunmasından sonra satınalma müsabiqələrində iştirak etməyə başlayıb və yalnız Yevlax Şəhər İcra Hakimiyyətinin tenderlərində qalib elan edilib.

Anar Tağıyev 2019-cu ildə Yevlax Şəhər İcra Hakimiyyətinin başçısı təyin edilib. "Təmir-İnşaat" MMC isə 2020-ci ildən qurumun keçirdiyi tenderlərin qalibi olmağa başlayıb.

Yevlaxda hər il yolların əsaslı şəkildə təmir olunmasının hansı zərurətdən irəli gəldiyi isə məlum deyil. Bunu heç Yevlax Şəhər İcra Hakimiyyəti ilə də aydınlaşdırmaq mümkün olmayıb. Quruma zəng olunsa da, telefonları susub.

Xəbərin oxunma sayı : 829